Bible Verses On A Topic: Life: [Aging]

Topics

Life: [Aging]

А ко́ли вари-кон пал пэ́скирэ манушэ́ндэ и буты́р сарэ́стыр пал кхэритконэндэ на дыкхэ́ла, одова́ ману́ш отпхэндяпэ патяибнастыр и ёв исын фуеды́р одолэ́стыр, саво́ на патя́ла.

2 Korinťanenge 4:16

Палдава́ амэ ние́кхвар на пэраса дро ило́. Нэ хоць амарэ́ маса́ яврестыр хасякирэна зор, то амарэ́-Духоскири андратуны́ паш со дывэ́с зоралёла.

Deuteronomy 32:7

Пририпир ґаратунэ́ дывэса́, думин пал ґаратунэ́ родэнгирэ бэрша́; пхуч тырэ́ дадэ́стыр, и ёв роспхэнэ́ла ту́кэ, тырэ́ пхурэндыр, и ёнэ пхэнэ́на ту́кэ.

Deuteronomy 34:7

Мойза́скэ сыс шэл тэ биш бэрш, ке́ли ёв мыя́; нэ якха́ лэ́скирэ на коринэ, и зор дрэ лэ́стэ яця́пэ.

Ecclesiastes 7:10

На ра́кир: “Сыр дава́ исын, со вагэдыр (ґарэдыр) дывэса́ сыс фэды́р, сыр какана́?” Палдова́ со дава́ нанэ годо́ пхучибэн.

Exodus 20:12

Кутякир (важын) тырэ́ дадэ́с и тырэ́ да, соб (кай) тэ явэ́н ґара́ (длуга) тырэ́ дывэса́ пэ пхув, сави́ Рай Дэвэ́л, Дэвэ́л тыро́, дэ́ла ту́кэ.

Genesis 6:3

И пхэндя́ Рай Дэвэ́л: “На саро́ джиибэ́н ману́ш тэ на рискирэ́л годы́ пэ Миро Ду́хо (Фа́но) [на ўса́ды/на сак (всегда) Мирэ́ Духоскэ тэ дживэ́л дрэ манушэ́стэ-ю.о.]; пал-дова́ со ёнэ исын лоч (плоть); мэк тэ дживэ́н ёнэ шэл тэ биш бэрш.”

Genesis 25:8

и мыя́ Авраа́мо дрэ лачхо́ пхурипэн, пхуро́ и пхэрдо́ джиибнаса, и причхудяпэ кэ пэ́скирэ мануша́.

Isaiah 40:29

Кон кхиныя – одолэ́скэ Ёв дэ́ла зор, и кон исын бизорья́киро – одолэ́с Ёв подрикирэ́ла.

Isaiah 46:4

Тумэ́ пхурьёна, а Мэ адасаво́ ява́ва; парнёна тумарэ́ бала́, а Мэ ява́ва тэ лыджав тумэн. Мэ создыём тумэн и лава́ тэ лыджав, Мэ ла́ва тэ подрикирав, Мэ ява́ва тэ ракхав тумэн.

Job 5:26

Ту додживэса кэ барэ́ бэрша́ сы́рбы парнэ́-гивэскирэ ґарбы (снопы) доджана кэ спялыма, со лэн чхувэ́на тэлэ́ дро пэ́скиро уляго (пора).

Job 12:12-20

[12] Годыпэ́н исын пхурэ́ манушэ́ндэ, и ману́ш лэ́ла тэ ґалёл буты́р джиибна́скирэ дывэсэ́ндыр. [13] Нэ Дэвлэ́стэ исын годыпэ́н и зоралыпэ́н, Ёв дэ́ла годы́ и ґалёла. [14] Ѓа́да, Ёв пхагирэ́ла, и дова́ ужэ на кэрэ́са нэвэ́стыр (зноко): Ёв пхандэла манушэ́с дро штарибэ́н и нанэ отмэкибэн пэ во́ля. [15] Ѓа́да, Ёв пририкирэла паня́, и ёнэ вышутёна: и Ёв бичхавэ́ла лэн англэ, и ёнэ рискирэна тэлэ́ пхув. [16] Дэвлэ́стэ исын зоралыпэ́н и годыпнаскиро джиныбэ́н, хохадэ мануша́ и хохаибнаскирэ исын дрэ Лэ́скири зор. [17] Ёв лыджа́ла годы́-дыибнаскирэн тэ кэрэ́н доша, Ёв кэрэ́ла сэндарьен дылынэнца. [18] Ёв лэ́ла криг зор кралье́ндыр, Ёв пхандэла кустыка пэ лэ́нгирэ трушула (чре́сло). [19] Ёв лыджа́ла раша́н тэ кэрэ́н доша, и равэла тэлэ́ зоралыпнаскирэн, [20] Ёв лэ́ла криг чиб шука́р-ракирибнаскирэндыр (велеречывонэндыр) и кэрэ́ла адя́кэ, со пхурэ́ пириячэна лачхэ́с тэ розґалён;

Job 32:7

Мэ пхэндём: “Мэк дывэса́ тэ ракирэ́н, и бэршэнгиро бутыпэн тэ сыклякирэ́л годыпнаскэ.”

Joel 2:28

И пало́ (после) дава́ явэ́ла адя́кэ, со Мэ да́ва пхэрдэ́с Миро Ду́хо кажнонэ́ лочакэ (плотякэ); тумарэ́ чхавэ́ и тумарэ́ чхая́ явэ́на тэ ангилпхэнэн, тумарэ́ пхуранэ́ мануша́ явэ́на тэ дыкхэ́н сунэ́, и тумарэ́ тэрнэ́ мануша́ явэ́на тэ дыкхэ́н дыкхибэна.

Leviticus 19:32

Анги́л пхурэ́ манушэ́стэ ушты́ и кутякир лэ́скиро пхурипэн, и дар тырэ́ Дэвлэ́стыр. Мэ сом Рай Дэвэ́л.

Filemonoske 1:9

нэ мэ фэды́р манга́ва тут илэ́са, мэ, Па́вли, сом пхуро́, и какана́ сом дро штарибэ́н пал патяибэ́н дрэ Исусо́стэ Христосо́стэ.

Psalms 71:9

На джа́ криг ма́ндыр акана́, сыр мэ сом пхуро́, на мэк ман, ке́ли мири́ зор тыкнёла.

Psalms 71:18

О, Дэ́вла! На мэк ман, ке́ли мэ сом пхуро́ и сывонэ-балэнгиро, пака мэ роспхэнава пал Тыри́ зор, пал Тыро́ зоралыпэ́н кадалэ́ родо́скэ, и Саво́ трэй тэ явэ́л.

Psalms 73:26

Мири́ лоч и миро ило́ хасёна со дывэ́с: нэ миро Дэвэ́л исын ска́ла мирэ́ илэскэ и Ту сан саро́, со ма́ндэ исын.

Psalms 90:10-12

[10] Амарэ́-джиибна́скирэ дывэса́ джа́на кэ эфтадэша́ (битрияндэнгиро шэл) бэрш, а ко́ли амэ сам зоралэ́, то кэ охтодэша́ (бибишэнгиро шэл) бэрш. Нэ най фэды́р пора амарэ́ джиибнастыр исын доя́, сыр амэ сам насвалэ ци кхинэ бутя́тыр-дава́ проджа́ла (накхэла) сы́гэс и амэ вурняса криг. [11] Кон джинэ́ла Тырэ́-холякири зор? Кон уґалёла дар, со явэ́ла Тырэ́ холякирибнастыр? [12] Сыкля́кир амэн тэ гинас амарэ́ дывэса́, соб (кай) тэ явэ́л годыпэ́н дро амаро́ ило́?

Psalms 91:16

Мэ да́ва чалэ́с джиибэ́н лэ́скэ и сыкава́ва лэ́скэ, сыр Мэ зракха́ва лэс.”

Proverbs 17:6

Чхавэ́нгирэ чхаворэ́ исын сы́рбы крали́скири стадык (коро́на) пхуранэ́ манушэ́нгэ, чхавэ́ исын бариканэ лэ́нгирэ дадэндыр.

Proverbs 20:29

Тэрнэ́-манушэ́нгиро барипэ́н исын лэ́нгири зор; и пхурэ́-манушэ́нгири гожыма исын лэ́нгиро сыво шэро́.

Proverbs 23:22

Шун пэ́скирэ дадэ́с, конэ́стыр ту латхянпэ, и на дыкх вучипна́стыр пэ пэ́скирэ датэ, ке́ли ёй явэ́ла пхури.

Psalms 37:35

Мэ дыкхцём фуе́ манушэ́с барэ́ зорья́са, саво́ розбарьёласпэ сы́рбы зэлэно кашт (дрэ́во) пэ пэ́скири куч пхув:

1 Chronicles 29:28

И мыя́ дро лачхо́ пхурипэн, бахталыи джиибнаса, барвалыпнаса и слава́са; и яця́ крали́са о Соломо́но, лэ́скиро чхаво́, пэ штэ́то лэ́скиро.

1 Kings 3:14

И ко́ли ту явэ́са тэ псирэ́с дромэ́са Мирэса, ракхи упхэныбэна́ Мирэ́, и припхэныбэна́ Мирэ́, сыр псирдя́ дад тыро́ Дави́до, то Мэ кэра́ва длугэдыр и дывэса́ тырэ́.”

Psalms 103:5

Ёв дэ́ла дова́, со ту камэ́са, соб (кай) ту тэ дживэ́с сыр тэрно́ о́рло (ки́до).

Titoske 2:3

соб (кай) пхурэ́ джувля́ адя́кэ-паць тэ ладжан пэс патывалэс, сыр трэй свэнтонэнгэ, тэ на злыджан плётки, и тэ на пьен бут мол, а тэ сыклякирэ́н лачхипнаскэ явирэ манушэ́н;

1 Timoteoske 5:1-2

[1] На сыка́в банг пхурэ́ манушэ́скэ, нэ отлыджапэ кэ ёв, сыр кэ пэ́скиро дад, а кэ тэрнэ́ отлыджапэ, сыр кэ пэ́скирэ пша́ла, [2] отлыджапэ кэ пхури джувлы́, сыр кэ дай, кэ тэрнэ́ джувля́ отлыджапэ, сыр кэ пхэня́ сарэ́ жужымаса.

Psalms 71:8-9

[8] Мэк тэ шарэ́н Тут мирэ́ ушта́, мэк ёнэ тэ славинэ́н Тут сарэ́ дывэса́. [9] На джа́ криг ма́ндыр акана́, сыр мэ сом пхуро́, на мэк ман, ке́ли мири́ зор тыкнёла.

Filipanenge 3:20-21

[20] пал-дова́ со амэ сам джиибнарья тхэмэстыр (штэто́стыр), саво́ исын дро Болыбна́скиро Раё, одотхы́р амэ ужакираса и амарэ́ Зракхибнарис Рас-Дэвлэ́с, Исусо́с Христосо́с, [21] Саво́ парувэла амарэ́ хасибны́тка маса́ адя́кэ, со ёв явэ́ла тэ зджал пэ Лэ́скирэ маса́ зорья́са, савья́са Ёв чхудя́ тэлэ́ саро́ анги́л Пэ́стэ.

Isaiah 46:3-4

[3] Шунэ́н ман, кхэр Яково́скиро, сарэ́, кон яця́пэ Израилёскирэ кхэрэ́стыр, конэ́с Мэ прилыём бияныпнастыр и Мэ лыджавас да́кирэ лочовя́тыр. [4] Тумэ́ пхурьёна, а Мэ адасаво́ ява́ва; парнёна тумарэ́ бала́, а Мэ ява́ва тэ лыджав тумэн. Мэ создыём тумэн и лава́ тэ лыджав, Мэ ла́ва тэ подрикирав, Мэ ява́ва тэ ракхав тумэн.

Psalms 92:12-15

[12] Мирэ́ якха́ явэ́на тэ радынэ́нпэ, дыкх, со кэрэ́лапэ вэргэнца; мирэ́ кана́ явэ́на тэ шунэ́н радыма́са, со кэрэ́лапэ фуе́ манушэ́нца, савэ́ ґаздынэ́пэ пэ ма́ндэ. [13] Чачуно́ ману́ш явэ́ла най шукарэдыр, сыр пальма ёв явэ́ла тэ барьёл, сыр кедро дро Лива́но. [14] Ёв исын сы́рбы рандь (вэтка), со исын чхуды́ дрэ Ра́скирэ-Дэвлэ́скиро Кхэр, пэ Дэвлэ́скирэ грэды (дворы) ёв явэ́ла най шукарэдыр. [15] Ёв явэ́ла дрэ зор дрэ пхуранэ́ бэрша́, ёв явэ́ла соко́са (хумэ́са) и зэлэно,

Ecclesiastes 12:1-7

[1] И ри́пир тырэ́ Создыибнаскирэс дрэ тырэ́ тэрныпнаскирэ дывэса́ анги́л дова́, сыр явэ́на пхарэ́ дывэса́ кэ пхурипэн, и сыр явэ́на дасавэ́ бэрша́, со ту пхэнэ́са пал лэ́ндэ: “Ма́ндэ нанэ лош (весёлыма) лэ́ндыр.” [2] Анги́л дава́, сыр кхам и дуд, чхон и чэргэня́ ячэ́на цямлэ, и анги́л дава́, сыр о́блоки рисёна палэ брышындэстыр; [3] анги́л дывэса́, сыр кхэри́тко ракхибнаскиро явэ́ла тэ издрал, и сыр зоралэ́ мурша́ явэ́на тэ кэрэ́н тэлэ́ шэрэнца; анги́л, сыр сявитка (мельницытка) бара́ тэрдёна дрэ буты́ пал дова́, со ёнэ явэ́на куты́ мануша́, и сыр мануша́, кон дыкхэ́на пир далэ́ дудаля (ставни), явэ́на сы́рбы дрэ мигла (мрако) тэ дыкхэ́н; [4] анги́л дова́, сыр и вудара́ запхандэна пэ вули́ца (пэ га́са), ке́ли сявитконэскири (пхуртэскири) буты́ на явэ́ла шундлы; и ке́ли ёнэ явэ́на тэ уштэ́н чириклякирэ багаибнастыр, и ке́ли сарэ́ багаибнытка чхая́ явэ́на штыл. [5] И адалэ́ мануша́ адя́кэ-паць явэ́на тэ дарэ́н вучипна́стыр, и ёнэ явэ́на тэ страхандён тэ джа́н пир дром, и лэ́нгирэ бала́ явэ́на парнэ́ адя́кэ, сыр миндалитко кашт лулудёла (цвэцинэла), и сыр скочко (грасторо) на явэ́ла дрэ ра́дыма, и сыр паты́в хасёла сы́рбы каперсытко кашт шутёла; пал-дова́ со мануша́ явэ́на тэ джа́н кэ лэ́нгиро ве́чно кхэр, и тэ́ньчи лэ́нгирэ ровибнаскирэ явэ́на тэ псирэ́н пир га́сы (пир вули́цы). [6] [Ри́пир тырэ́ Создыибнаскирэс-ю.о.], анги́л дова́, сыр рупуно шэло кошэлапэ, ци сыр сувнакуно́ чаро́ пхадёла, ци сыр кхоро́ пхарадёла пашы́л фолахар (фонтано), ци сыр рота пхадёла пашы́л ґаны́нг; [7] и рисёла пра́хо дрэ пхув, кай сыс ёв, а ду́хо (фа́но) рисёла кэ Дэвэ́л, Кон дыя́ лэс манушэ́скэ.

Romani Bible Baltic 2019

Maintained by the United Bible Societies for the Baltic Romani Mission