Bible Verses On A Topic: Life: [Adoption]

Topics

Life: [Adoption]

пал далэ́ чхаворэстэ мэ мангдёмпэ, и кэрдя́ ма́нгэ Рай Рай Дэвэ́л пир миро мангипэ́н, со мэ мангдём Лэ́стыр;

и Мэ ява́ва ваш тумэ́нгэ и тумэ́ явэ́на мирэ́ чхавэ́ и чхая́, – ракирэ́ла Рай Дэвэ́л Сарэзорья́киро.”

Саво́ дэ́ла чачуно́ сэ́ндо пиротоскэ (сиротаскэ) и пивлякэ (удовакэ), и Савэ́скэ исын дро́га мануша́, савэ́ явнэ́ явирэ рига́тыр, и Ёв дэ́ла лэ́скэ маро́ и урибэ́н.

Hosea 14:3

Лэн пэ́са мангипнытка лава́ и рисён палэ кэ Рай Дэвэ́л, ракирэ́н Лэ́скэ: “Отмэк амэ́нгэ саро́ чорипэ́н и прилэ́ амэн ласкаса, соб (кай) амэ́нгэ тэ янас свэ́нта дыибэна́ амарэ́ уштэндыр.”

Isaiah 40:31

А одова́, конэ́стэ пэ Растэ-Дэвлэ́стэ исын наде́я, прилэ́на нэви́ зор, ґаздэ́на пхака́ (крылы), сыр киды (орлы), нашэ́на и на явэ́на кхинэ, праста́на и на кхинёна.

Jakob 1:27

Жужэ́-патяибнаскири и намагирды строгима анги́л Дэвлэ́стэ Дадэ́стэ исын дро дова́, соб (кай) тумэ́ тэ джа́н тэ дыкхэ́н пал пиротэндэ (сиротэндэ) и пивлендэ (удовэндэ), ке́ли ёнэ пхарэ́с пиридживэна и тэ зракхэн пэс бидошакирэнца далэ́ свэто́стыр.

Jeremiah 29:11

И Мэ Кокоро́ джино́м (джина́в) Мирэ́ планы ваш тумэ́нгэ’ – ракирэ́ла Рай Дэвэ́л’, – планы, соб (кай) тэ явэ́л рама́нё (миро), а на чорипэ́н, соб (кай) тумэ́ндэ тэ явэ́л лачхо́ ужакирибэ́н (наде́я) пэ дывэса́, со ишчо (инкэ́) явэ́на.

Matuš 25:40

И отпхэнэ́ла лэ́нгэ Кра́ли: ‘Чачэс, ракира́ва тумэ́нгэ: ‘Дова́, со тумэ́ кэрдэ́ дава́ Мирэ́ пшалэ́нгэ, савэ́ндэ нанэ дасави́ зор, тумэ́, хай, кэрдэ́ Ма́нгэ.’

Proverbs 13:12

Ужакирибэ́н, со на янэ́ла нисо́, кэрэ́ла адя́кэ, со ило́ дукхала, нэ ке́ли зорало́ мангипэ́н кэрэ́лапэ дро чачипэ́н, тэды джиибэ́н пхэрдёла радыма́са.

Psalms 82:3

Сэндя́кир чачунэ́с чорорэн и бидадэскирэн, кэр чачипэ́н одолэ́нгэ, савэ́н тасавэна и кодолэ́нгэ, савэ́ндэ исын трэ́бима.

Psalms 146:9

Рай Дэвэ́л ракхэ́ла чужонэ́ манушэ́н; Ёв лэ́ла криг пхарипэ́н пиротэ́ндыр (сиротэндыр) и пивле́ндыр (удовэндыр), нэ Ёв бандякирэла дром фуе́ манушэ́нгэ.

Psalms 68:5-6

[5] Бага́н Дэвлэ́скэ, бага́н шарибнытка гиля́ Лэ́скирэ лавэ́скэ, ґаздэ́н шарибнаса Лэс, Саво́ традэ́ла уклисто пир о́блоки пэ болыбэ́н: Лэ́скиро лав исын Рай Дэвэ́л, ґаздэ́нпэ шарибнаса одо́й, кай Ёв исын. [6] Дэвэ́л, Саво́ исын дрэ Пэ́скиро Свэ́нто Штэ́то, Дад пиротэнгиро (сиротэнгиро), Сэнда́ри пивленгиро (удовэнгиро).

Proverbs 31:8-9

[8] Ра́кир пал манушэ́ндэ, савэ́ на ракирэ́на, и пал рэ́ндо одолэнгиро, савэ́н мэкнэ́. [9] Ра́кир пал одолэ́ндэ, савэ́н притасавэ́на, и пал богэ́ндэ; сэндякир лэн пир чачипэ́н и рисёв кэ лэ́нгиро чачипэ́н.

Jan 1:12-13

[12] Нэ сарэ́нгэ, кон прилыя́ Лэс, савэ́ патяндынэ́ дрэ Лэ́скиро лав, Ёв дыя́ право тэ явэ́н Дэвлэ́скирэ чхавэ́нца. [13] Дава́ сыс кадалэ́ чхавэ́, савэ́ бия́ндынэ на ратэстыр и на пир лочакиро камибэн на пир манушэскири во́ля, а Дэвлэ́стыр сыс бияндлэ.

Galaťanenge 4:4-5

[4] а ке́ли явдя́ часо, саво́ Дэвэ́л выкэдыя́, Ёв бичхадя́ Пэ́скирэ Екхэ Чхавэ́с, Савэс джувлы́ бияндя́ и Саво́ дживдя́ тэл Юды́тко Зако́но, [5] ваш дова́, соб (кай) Ёв могинэлас тэ выкинэл одолэ́н, савэ́ исын писха́рья анги́л Зако́но, соб (кай) амэ могинасас тэ ячас Дэвлэ́скирэ чхавэ́нца.

Rimanenge 8:14-17

[14] пал-дова́ со сарэ́, кон кэрэ́ла пир Дэвлэ́скиро Ду́хо (Фа́но), исын чачунэ́ Дэвлэ́скирэ Чхавэ́. [15] Палдова́ со тумэ́ на прилынэ́ Ду́хо (Фа́но), Саво́ кэрэ́ла тумэн писхарье́нца, соб (кай) нэвэ́стыр тэ дживэ́н дрэ дар, а тумэ́ прилынэ́ Ду́хо (Фа́но), Саво́ кэрдя́ тумэн пэ́скирэ чхавэ́нца, савэ́са амэ кхараса Дэвлэ́с: “Авва, Да́до!” [16] Дэвлэ́скиро Ду́хо (Фа́но) допхэнэ́ла кхэтанэ́ амарэ́ духо́са пал дова́, со амэ сам Дэвлэ́скирэ чхавэ́. [17] Нэ ко́ли амэ сам Лэ́скирэ чхавэ́, тэды амэ́ндэ исын паш дро мэкно́ миштыпэ́н Дэвлэ́скиро и паш дро Христосо́скиро мэкно́ миштыпэ́н, ко́ли амэ чачунэ́с Лэ́са мэнчынасапэ, соб (кай) кхэтанэ́ Лэ́са адя́кэ-паць тэ прославинаспэ.

Psalms 10:14-18

[14] [35] Нэ Ту дыкхця́н дава́, пал-дова́ со Ту кокоро́ дыкхэ́са цямкэс пэ одолэ́ндэ, конэ́скэ исын пхаро́ и кон страдынэла. И кажно мо́ло Ту сан скэдыно́ тэ подэл васт. Бизорья́кирэ ману́ш тырдэлапэ кэ Ту, Ту ўса́ды (сак) дэсас васт бидадэскирэскэ. [15] [36] Пхагир зор дрэ васта́ фуе́ и чорэ́ манушэ́ндэ. Чхув ка́ра пэ лэ́ндэ, пака ёнэ пириячэна тэ кэрэ́н чорипэ́н. [16] [37] Рай Дэвэ́л исын Кра́ли пэ сарэ́ бэрша́ и ве́ки. Наюдэнгирэ на́цыи хасёна Лэ́скирэ пхувья́тыр. [17] [38] Раё Дэ́вла, Ту шунэса, пал со мангнэпэ Ту́кэ одолэ́, савэ́ страдынэна явирэндыр, Ту зорьякирдян лэ́нгиро ило́. [18] [39] Ту шунэса мангипэ́н илэ́стыр – бидадэскирэн и чорорэн, соб (кай) ние́кх ману́ш пэ пхув тэ на трашакирэл.

Romani Bible Baltic 2019

Maintained by the United Bible Societies for the Baltic Romani Mission