Le fe ba bangwe, gomme Modimo le yena o tla le fa. Le tla fiwa ka kelo ya mmapaale ye e katetšwego ya ba ya ntšhwa mohlopha. Gape kelo ye le elelago ba bangwe ka yona, ke yona ye Modimo a tlago le elela ka yona.”
Ba lehlogonolo ke bao ba llago, gobane Modimo o tla ba homotša.
Gomme Modimo wa ka o tla le fa tšohle tše le di hlokago, go ya ka lehumo le legolo le a nago le lona ka Kriste Jesu.
Modimo o a re šegofatša; a batho ka moka gohle lefaseng ba mmoife.
[24] Morena a go edišetše sefahlego sa gagwe, a go gaugele; [25] Morena a go lebelele ka botho, mme a go fe khutšo.
[6] Le se balabale ka selo; sengwe le sengwe se le se nyakago le se kgopele go Modimo ka moya wa thapelo le tebogo. [7] Ke mo Modimo a tlago le phefiša go ja pelo le go tshwenyega le le ba Kriste Jesu, mo e lego gore ga go motho yo a kago kwešiša.
Ka go rata ga gagwe o re hlodile ka lentšu la therešo, gore e be nke re dithakangwaga tša dihlolwa tša gagwe tšohle.
[7] “Go lehlogonolo yo a botilego nna, Morena, yo a ithekgilego ka nna. [8] O bjalo ka mohlare wo o bjetšwego kgauswi le moela, wo medu ya wona e nabelago meetseng. Ga o tšhoge phišo, gomme matlakala a wona a dula e le a matala; le ka ngwaga wa komelelo ga o tshwenyege, ga o lese go enywa.
Le se ke la boifa – ke na le lena! Le se ke la lealea – ke nna Modimo wa lena! Ke a le tiiša, ke a le thuša, ke a le šireletša, ke le hlakodiša ka maatla a ka.
Ka ge a re loketše kudu, o re šegofaditše bohle, a re šegofatša leboelela.
[16] “Morena o re: ‘Ke ena ka nna mong gore ka ge o dirile taba ye gomme o se wa ntima morwa wa gago a nnoši, [17] ke tla go šegofatša kudu, ka go fa le ditlogolo tše ntši bjalo ka dinaledi tša legodimo goba dithorwana tša lešabašaba lebopong la lewatle. Ditlogolo tša gago di tla fenya manaba a tšona.
[28] A Modimo a go fe phoka ya legodimo, gomme a nontšhe mašemo a gago! A a go fe mabele a mantši le beine ye ntši! [29] A ditšhaba e be bahlanka ba gago, gomme merafe e obame pele ga gago. O buše meloko yeno, mme ditlogolo tša mmago di obame pele ga gago. A bao ba go rogakago ba rogakwe, mme bao ba go šegofatšago ba šegofatšwe.”
[1] Go lehlogonolo motho, moganakeletšo ya bakgopo, yo a sa tšeego ka tsela ya badiradibe, a sa ikopanyego le ba ba kwerago Modimo. [2] Sa gagwe ya ba go thabela melao ya Morena, le go ithuta yona bošego le mosegare. [3] O bjalo ka mohlare mobjalwamoeleng; wa enywa dikenywa lebakeng la gona, le gona wa se pone matlakala. Go tšohle tše a di dirago o a atlega.
[1] Morena ke modiši wa ka; ga ke hloke selo. [2] O nkhutšiša mafulong a matala; o nkiša meetseng a makhutšo. [3] O a ntapološa, o ntshepediša ka tsela tše di lokilego ka baka la leina la gagwe. [4] Le ge nka sepela molapong wo o šiišago, nka se boife selo, gobane wena, Morena, o na le nna. O ntšhireletša ka molamo wa gago, ka lepara la gago wa ntlhahla.
[3] Ke Modimo wa ka le botšhabelo bjo ke tšhabelago go bjona. Ke kotse ya ka, ebile ke montlhabanedi, ke bokhuto bja ka. Ke yena botšhabelo bja ka le mophološi wa ka, o mphološa dintweng. [4] Ke bitša Morena yo a lebanwego ke go tumišwa, a mphološa manabeng a ka.
Re a tseba gore ga go ngwana wa Modimo yo a ka nogo tšwela pele le go dira dibe, gobane Morwa wa Modimo o a mo lota, gomme Rabobe a ka se mo dire selo.
Ge ke dikaneditšwe ke mathata, o a ntlhakodiša; ge ke galefetšwe ke manaba, o a ntšhireletša; o mphološa ka maatla a gago.
Ebile Modimo o kgona go le fa dilo ka moka ka bontši, gore ka mehla le dule le na le tšohle tše le di nyakago le tlalelwa ke tša go le kgontšha go dira mediro ya go loka.
Ke mo Modimo a tlago le phefiša go ja pelo le go tshwenyega le le ba Kriste Jesu, mo e lego gore ga go motho yo a kago kwešiša.
Sotho Bible 2000
Bible in Sepedi 2000 translation Bible Society of South Africa 2000. Digital Version Bible Society of South Africa 2012