Beblia

Bible Verses On A Topic

Topics

Bad Character: [Anger]

[26] Lamun aya kaambek ulah katalanjuran nepi ka jadi dosa, jeung ari ambek ulah nepi ka sapoe jeput teu eureun-eureun. [27] Ulah mere kasempetan ka Iblis. [28] Anu geus biasa maling ulah maling deui, anggur singkil digawe nyiar napkah anu jujur, keur sorangan tur bisa dipake nulung ka batur anu eukeur kakurangan. [29] Ari ngomong kudu hade pokpokanana, ulah matak pikanyerieun, kudu bisa dipake pituduh anu mangpa’at ku anu merlukeunana. [30] Ulah ngaraheutan Roh Allah anu suci, sabab Roh-Na teh geus jadi tanda yen aranjeun kagungana-Na, anu nanggung yen dina Poe ngamerdikakeun, aranjeun bakal dimerdikakeun. [31] Ulah nyerian hate, ulah ngunek-ngunek, ulah ngumbar amarah. Ulah sentak sengor, ulah aya rasa kangewa atawa anu sabangsa jeung eta.

YAKOBUS 1:19-20

[19] Kaambek teh henteu sapuk jeung pangersa Allah. [20] Ku sabab kitu, piceun sagala kabiasaan anu kotor jeung jahat. Sing pasrah ka Allah, tarima pangandika-Na anu dipelak dina hate aranjeun, sabab eta teh bisa nyalametkeun aranjeun.

SILOKA 29:11

Nu gejul mah ambekna sok terus budal. Jalma nu lantip mah sabar, amarahna dikemu.

PANDITA 7:9

Kudu bisa ngadalian amarah, sabab barangasan mah tabeat jelema gejul.

SILOKA 15:1

Jawaban sareh nyirnakeun amarah. Jawaban nyogok ngahudang napsu.

SILOKA 15:18

Barangasan nungtun kana picekcokeun, sabar mah nungtun kana karuntutan.

KOLOSA 3:8

Piceun kabiasaan kitu teh ayeuna mah. Ulah ngumbar amarah, ulah unek-unekeun, ulah nurutkeun kangewa, ulah supu-sapa, ulah ngomong kotor,

YAKOBUS 4:1-2

[1] Tina naon asalna lamun di aranjeun aya pacogregan nepi ka sok garelut? Tina gedena hawa napsu aranjeun hayang meunangkeun kasenangan dunya, anu teu eureun-eureun nyundutan hate aranjeun. [2] Aranjeun aya kahayang, tapi teu katedunan tuluy bae hayang maehan. Aranjeun sarumanget pisan neangan nu dipikahayang, tapi teu kasorang bae, tuluy jadi parasea nepi ka garelut. Padahal pangna aranjeun teu baroga nanaon teh, lantaran aranjeun teu nyaruhunkeun ka Allah.

SILOKA 16:32

Mending sabar ti batan gagah. Mending ge bisa ngered diri, ti batan bisa ngarebut hiji kota.

SILOKA 22:24

Ulah nyobat jeung jelema nu galede ambek, nu kalasar tabeatna,

MATEUS 5:22

Ayeuna ceuk Kami, anu ngambek ka batur kudu dihukum. Nyarekan nyebut ʼSi Belegugʼ kudu dibawa ka Majelis Agama. Nyarekan nyebut ʼSi Burungʼ manjing siksa seuneu naraka.

JABUR 37:8-9

[8] Ulah ambek atawa panas hate, sabab ngan matak susah bae. [9] Nu muntang ka PANGERAN baris ngamilik tanah, sabalikna nu jarahat tangtu ku Mantenna ditundung.

JABUR 7:11

Allah teh Hakim nu adil, anu salawasna ngahukum jelema jahat.

2 RAJA RAJA 11:9-10

[9] Parentah Yoyada ku opsir-opsir digumatikeun. Para prajuritna anu kagiliran jaga poe Sabat jeung anu keur henteu kagiliran jaga dikumpulkeun ka anjeunna. [10] Opsir-opsir ku anjeunna dibagi tumbak titinggal Raja Daud anu disimpen di Bait Allah.

2 RAJA RAJA 17:18

Mana urang Israil teh ku Mantenna kacida dibenduanana, disingkirkeun ti payuneuna-Na, ngan kari kaom Yuda.

SILOKA 14:29

Jelema anu tahan sabar nandakeun bijaksana, sabalikna nu gede ambek mah nandakeun kacida bodona.

Sundanese Bible 1991

@LAI 1991