Beblia

Bible Verses On A Topic

Topics

Bad Character: [Foolish]

Ayeuna ceuk Kami, anu ngambek ka batur kudu dihukum. Nyarekan nyebut ʼSi Belegugʼ kudu dibawa ka Majelis Agama. Nyarekan nyebut ʼSi Burungʼ manjing siksa seuneu naraka.

SILOKA 1:7

Pikeun meunangkeun kanyaho, jalma teh kudu boga rasa hormat jeung sieun ku PANGERAN. Jalma bodo mah teu ngahargaan kana hikmah sarta embungeun diajar.

SILOKA 3:35

Jalma bijaksana ngaranna bakal seungit. Jalma bodo bakal tambah-tambah hina.

SILOKA 10:8

Jalma binangkit, daek narima pituah. Nu gejul omonganana mah baris tijuralit.

SILOKA 10:23

Jalma gejul resep kana lampah teu uni. Nu luhur pangarti mah mikaresep kana hikmah.

SILOKA 12:16

Lamun jalma palung pundung, sok terus nangarkeun maneh. Ari nu lantip mah tahan ku pangweweleh.

SILOKA 13:20

Pek nyampur jeung nu pinter, tangtu pinter. Pek babaturan jeung nu garejul, tangtu ancur.

SILOKA 17:28

Nu gejul ge ari repeh jeung sungutna kuateun balem mah sok disangka bijaksana.

SILOKA 18:2-7

[2] Keur nu gejul mah ngarti sukur henteu kajeun. Maksudna ge ngan ukur hayang ngabengbrengkeun kapinteran sorangan. [3] Dosa katut wiwirangna rerentetan. Mun harga diri geus leungit, kari hinana. [4] Ucap-ucapan jelema bisa jadi hikmah, jero ibarat sagara, seger lir cai walungan. [5] Condong ka nu salah jeung teu mere kaadilan ka jelema nu beresih tina kasalahan teh goreng pisan. [6] Lamun nu gejul geus mimiti ngasongkeun alesan, eta sarua jeung menta paneunggeul. [7] Nu gejul mah ana geus nyarita sok terus ngocoblak, nepi ka karingkus ku ucap-ucapna keneh.

SILOKA 20:3

Lampah pujieun pisan nyingkiran anu garejul parebut padu mah.

SILOKA 23:9

Ka nu gejul mah ulah pangangguran ngomong nu aya hartina, da moal dihargaan.

SILOKA 26:19

nya kitu jelema anu ngalejokeun bari majarkeun teh ngan pangangguran.

SILOKA 28:26

Nurut kana pikiran sorangan bae teh kalangsu. Mun hayang mulus rahayu, piwulang nu palinter teh gugu.

SILOKA 29:9

Lamun jelema pinter ngadakwa jelema gejul, nu gejulna ukur nyeungseurikeun, tuluy nyarekan laklak dasar.

SILOKA 29:11

Nu gejul mah ambekna sok terus budal. Jalma nu lantip mah sabar, amarahna dikemu.

JABUR 14:1

Pikeun pamingpin biduan. Jabur Daud. Ceuk anggapan nu garejul mah, ”Allah teh euweuh.” Eta sababna pangna kalakuanana jahat, laku lampahna goreng kabina-bina, saurang ge euweuh nu migawe bener.

SILOKA 14:16

Jelema nu boga pikiran mah sok ati-ati sangkan luput tina kasusah. Ari nu bodo mah sok lalawora jeung sologoto.

SILOKA 15:18

Barangasan nungtun kana picekcokeun, sabar mah nungtun kana karuntutan.

SILOKA 15:20-21

[20] Anak anu bijaksana nyenangkeun hate bapana. Ngan jalma gejul anu ngarendahkeun ka indung mah. [21] Nu gejul mah bodo oge ngeunah-ngeunah bae. Ari nu dilampahkeun ku nu pinter mah pagawean bener.

SILOKA 14:7-9

[7] Nu burung mah jauhan bae, da moal bisa ngajarkeun naon-naon ka urang. [8] Naon sababna jelema pinter wet bijaksana? Sabab nyaho kana pilampaheun dirina. Naon sababna jelema bodo wet gejul? Sabab pangrasana mah sagala nyaho. [9] Nu barurung tara mikiran dosana. Jelema anu harade mah hayang dihampura.

Sundanese Bible 1991

@LAI 1991