Beblia

Iivesi zeBhayibhile kumxholo

Imixholo

NguThixo: [Xabiso]

Yiphani; nani ke niya kuphiwa nguThixo. Ewe, nophiwa isabelo esihle, esipheleleyo, esigalelwa engubeni yenu. Indlela enabela abanye ngayo, nani niya kwabelwa kwangayo nguThixo.”

Mateyu 5:4

Banoyolo abo basezintsizini, kuba baya konwatyiswa nguThixo bona!

Filipi 4:19

Yaye uThixo wam wonibonelela kuzo zonke iintswelo zenu ngendyikityha yendyebo yakhe ekuKrestu Yesu.

Umhobe 67:7

Ngenene uThixo uyasithamsanqela; ngamana lamthobela ihlabathi jikelele.

Numbers 6:24-25

[24] “Wanga angakuthi jize ngamathamsanqa uNdikhoyo, akulondoloze. [25] Wanga angayindlezane kuwe uNdikhoyo, usixhamle isisa sakhe.

Filipi 4:6-7

[6] Sanukuba naxhala; kodwa iintswelo zenu ziseni kuThixo ngomthandazo, nimbongoze ninombulelo. [7] Ke lona uxolo lukaThixo olungaphaya kokuqonda luya kuzalusa iintliziyo neengcinga zenu ningahlukani noKrestu.

Yakobi 1:17

Konke ukupha naso sonke isipho esifezekileyo sivela phezulu kuThixo, umdali wezikhanyiso zesibhakabhaka. Yena akaguqu-guquki aphinzi-phinzize.

Yeremiya 17:7-8

[7] Hayi ithamsanqa lomntu othembela ngoNdikhoyo, lowo ukholosa ngaye! [8] Unjengomthi otyalwe ngasemfuleni, ongcambu zinabela emanzini. Awoyiki naxa ilanga lishushu; amagqabi awo ahlala eluhlaza. Ngexesha lembalela awunaxhala; uhlala uvelisa iziqhamo.

Isaya 41:10

Ngoko ke ndinawe, sukoyika; ndinguThixo wakho, sukuphakuzela. Ndiza kukomeleza ndikusize, amandla am asindisayo akuxhase akukhusele.

Yohane 1:16

Ngokuphuphuma kobubele bukaLizwi, thina sonke saphiwa iintsikelelo ezingenasiphelo.

Genesis 22:16-17

[16] “Uthi uNdikhoyo: ‘Mna ngokwam ndiyafunga; ndithi ngenxa yale nto uyenzileyo, akwala ukuncama intandane ekuphela kwayo, [17] ndiza kukuthamsanqelisa kanobom, ndikuphe inzala eninzi, ibe ngangeenkwenkwezi ezisesibhaka-bhakeni nentlabathi eselunxwemeni lolwandle ubuninzi bayo. Abazukulwana bakho boyithimba imihlaba yeentshaba zabo.

Genesis 27:28-29

[28] Wanga ke uThixo angakugalela ngombethe, nomhlaba wakho uchume ube linqatha, uvelise nentabalala yengqolowa newayini. [29] Unga ungabuswa zizizwe, neentlanga zikhahlele kuwe. Yiba yinkosi kubantakwenu, ukhonzwe nangabantwana bakanyoko. Mabaqalekiswe abo bakuqalekisayo, basikelelwe abo bakusikelelayo.”

Umhobe 1:1-3

[1] Hayi inyhweba yomntu ongahambiyo ngecebo labantw' abagwenxa, ongahambiyo ekhondweni lamatshijolo, umnt' ongadlelaniyo nabaphoxisayo. [2] Lowo wonwatyiswa yimiyalelo *kaNdikhoyo, ayetyise emini nasebusuku. [3] Unjengomth' otyalwe ngasemijelweni yamanzi, umth' ovelisa iziqhamo ngexesha leziqhamo, umth' omagqabi angasoz' abune. Ewe, konk' akwenzayo umnt' onjalo kuyaphumelela.

Umhobe 23:1-4

[1] *InguNdikhoyo nje ondalusayo, ndingaswela ntoni na? [2] Nguye ondikhaphelela kumadlelo aluhlaza, andikhokelele kwimilambo empompozayo, [3] nditsho ndihlaziyeke emphefumlweni. Undithundezela kwezona ndlela zilungileyo, ukuze lidunyiswe igama lakhe. [4] Ngoko ke, nokuba ndihamba kwiingxondorha ezimnyama, andinadyudyu. Kaloku ungakum, wena Ndikhoyo; isagweba sakho nebhunguza lakho lixhadi lam.

2 Samuweli 22:3-4

[3] Xa ndizimele ngoThixo wam ndihlala ndikhuselekile. Nguye ikhaka lam; nguye ondigcina ndifihlakele. Nguye inqaba yam ephakamileyo; nguye isikhundla sam sokuzimela. Mhlanguli wam, nguwe ondisindisayo kumadoda anogonyamelo. [4] Ndithi ndakukhala kuNdikhoyo, asuke andithi hlasi kwiintshaba zam. Ngenene, makabongwe uNdikhoyo!

1 Yohane 5:18

Siyazi ukuba umntwana kaThixo akoni rhoqo. Kaloku uNyana kaThixo uyamgcina, ukuze umtyholi angamchukumisi.

Umhobe 138:7

Nokuba ndidavuza ezinkathazweni, wena uyandikhusela; ulwa nazo iintshaba zam, undihlangule ngamandla akho.

2 Korinte 9:8

Kaloku unako uThixo ukunipha nangaphezu kweemfuneko zenu, ukuze nisoloko nanele kwiimeko zonke, nibe nako ukuhlangabezana nayo yonke imisebenzi emihle,

Filipi 4:7

Ke lona uxolo lukaThixo olungaphaya kokuqonda luya kuzalusa iintliziyo neengcinga zenu ningahlukani noKrestu.

Xhosa Bible 1996